أطباء يطلقون نداء استغاثة: لي عندو شي سكن مجاور للمستشفيات يسلفو لينا

حرر بتاريخ من طرف

أطلق أطباء مكلفون بعلاج المصابين بفيروس كورونا في مستشفى ابن رشد في مدينة الدارالبيضاء، نداء استغاثة، من أجل الحصول على سكن قريب من المستشفى، من أجل تفادي العودة إلى منازلهم خوفا من نقل العدوى إلى ذويهم.

وجاء في النداء الذي تم تداوله على صفحات “الفيسبوك” بشكل كبير، “لي عندو فندق أو شي شقة في الأحياء المجاورة لمستشفى إبن رشد و20 غشت والهاروشي يسلفها لينا بينما دازت هاد المحنة”.

وتابع الأطباء في النداء ذاته، “اليوم نعيش ضغطا رهيبا، واحلين مابين مطرقة المرض وسندان واليدينا لي كبار فالسن وكيعانيو من أمراض مزمنة، ديرو راسكم فبلاصتنا وتخيلو الوسواس لي كانحسو بيه كل مرة كانذخلو من الحراسة فالمستعجلات ديال ابن رشد بعد ما كانقلبو حالات مشكوك فيها، وأخرى مؤكدة وما عندك فين تمشي يا داركم يا تنعس فالطوموبيل، كين لي تا ديك الطوموبيل ما عندوش”.

وأردفوا قائلين: “حنا كازاوا و ولاد المدينة، أغلبنا تزاد فأحياء شعبية وشق طريقو حتا وصلنا لداك الشويا ديال العلم لي واصلين ليه، حنا مستاعدين من غدا نتوادعو مع واليدينا ونخرجو نخدمو بضمير وبال مرتاح، ومستاعدين نعرضو راسنا لخطر الإصابة على قبلكم لكن ما مستاعدينش نعرضو واليدينا للمرض أو لا قدر الله الموت، حيت ديك الساعة ما غانقدروش نخدمو وعمرنا نسامحو راسنا”.

وأضاف الاطباء : من يتوفر على شقة “في الأحياء المجاورة لإبن رشد و20 غشت و الهاروشي، يسلفها لينا بينما دازت هاد المحنة، نداؤنا أيضا لأرباب الفنادق لي كاتصفر، ديرو فينا هاد الخير كيف غادي نتهلاو فيكم و فواليديكم و حبابكم بالإمكانات لي عندنا ساعدونا بالإمكانات لي عندكم، أحسن أجر وصدقة جارية تقدرو تديروها هي هادي حيت والله تا هادشي لي كانفكرو فيه ليل و نهار، لا غير فندق واحد تكفل بهاد القضية فغادي تحلو هاد الأزمة لي مأرقانا منذ أيام وما لقينا ليها الجهد المادي ولا الحل”.

وختم الأطباء نداءهم بالقول، “كانواعدوكم أمانتكم كيف تسلمناها نردوها ليكم راحنا شباب واعي اللخر فينا bac +8 , ومستاعدين نقدمو الضمانات لي بغيتو”.

إقرأ أيضاً

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

فيديو

للنساء

ساحة